Sawirro-muuqaal: Guddoomiyaha Baarlamaanka Puntland oo sagootiyey Madaxweynihii hore ee Puntland Dr Gaas
05 Sept 2020 (Puntlandes) Guddoomiyaha Golaha Wakiillada dawladda Puntland Mudane, Gudoomiye Abdirashid Yusuf Jibril ayaa maanta sagootiyey Madaxweynihii hore ee DPL Dr. Cabdiwali Maxamed Cali Gaas oo safar ugu baxay dalka Kenya.
Guddoomiyaha Golaha Wakiillada dawladda Puntland ayaa sagootinta Madaxweynihii hore DPL waxaa ku wehelinaayey Xildhibaano, saraakiil ka tirsan Golaha Wakiillada, La-taliyeyaal Sare oo ka tirsan Baarlamaanka iyo Wakiilka Dawladda Puntland ee dalka Kenya Maxamed Rashiid Fagalade.
Guddoomiye Cabdirashiid Yuusuf Jibriil ayaa u rajeeyay safar kheyr qaba Madaxweyne Gaas oo muddo 6 bilood ka badan ku sugnaa gudaha dalka.
Madaxweynihii hore ee dawladda Puntland Dr. Cabdiwali Gaas ayaa u mahadceliyey Guddoomiyaha Golaha Wakiillada DPL Mudane Cabdirashiid Yuusuf Jibriil, isaga oo dhanka kalena shacabka Puntland guud ahaan ku dhiiro-geliyay inay adkeystaan amaanka dalka, horumarka iyo wada-jirka Puntland.
Puntlandes.com
About The Author
