Sawirro-muuqaal: Madaxweyne Deni oo khudbad ka jeediyay kulanka soo dhoweyn ah oo loo sameeyay Madaxweynayaasha Dowladdaha Puntland iyo Jubaland
Muqdisho : 07 September 2020: Madaxweynaha Dowladda Puntland Mudane Siciid Cabdullaahi Deni, ayaa khudbad ka jeediyay kulanka soo dhoweyn ah oo loo sameeyay Madaxweynayaasha Dowladdaha Puntland iyo Jubaland.
Madaxweynaha ayaa ka mahadceliyay Xafladda soo dhoweynta ah, isagoo Madaxda kulanka joogay la wadaagay aragtida Puntland ee ku saabsan in ay dalka ka dhacdo doorasho la isla ogolyahay oo wakhtigeeda ku dhacda.
Kulanka oo ay soo diyaariyeen Madaxweynayaashii hore ee Soomaaliya Mudane Xasan Shiikh Maxamuud iyo Mudane Cali Mahdi, waxaa lagu soo dhoweeyay Madaxweyneyaasha Dowladdaha Puntland iyo Jubaland Mudane Siciid Cabdullaahi Deni iyo Mudane Axmed Maxamed Islaam, waxaana ka qeybgalay Masuuliyiin ka tirsan labada Aqal ee Baarlamaanka, Xubno ka mid ah goleyaasha kala duwan ee Dowladdaha Jubaland iyo Puntland, Hoggaamiyeyaal Xisbi, Siyaasiyiin, Hoggaan dhaqan, Waxgarad, Haween, Ururo Bulsho iyo qeybaha kala duwan Bulshada Gobolka Banaadir.
Puntlandes.com
About The Author
