Sawirro: Ra’iisul Wasaare Rooble oo xilka kala wareegay Mahdi Guuleed
27 Sept 2020 (Puntlndes) Ra’iisul Wasaaraha Soomaaliya Maxamed Xuseen Rooble ayaa maanta si rasmi ah waxaa uu xilka kala wareegay Sii Hayihii Ra’iisul Wasaaraha Mahdi Maxamed Guuleed, kaddib Munaasabad ka dhacday Xafiiska Ra’iisul Wasaaraha.
Munaasabadaan ayaa waxaa ka qeyb galay Guddoomiye Kuxigeenka 1aad C/weli Ibrahim Muudey iyo Mas’uuliyiinta Sii hayeyaasha ah iyo xubno ka socday Safiirada Beesha Caalamka
Ra’iisul Wasaare Rooble ayaa Dukumiintiyo kala wareegay Mahdi Guuleed oo muddo 50 cisho xilka sii hayay, waxaana mudadaas Golihii Wasiirada xilka sii hayay ay ansixiyeen Sharciyo mugdi ku jiray oo degdeg loo meel mariyay.
Xil wareejintan ayaa meesha ka saartay dalabkii Ra’iisul Wasaarihii hore Xasan Cali Khayre oo ahaa inuu xilka ku wareejiyo Ra’iisul Wasaare Rooble, kaas oo noqday dalab aan la aqbalin.
Hase ahaatee Garyaqaanada ayaa sheegaya in xil wareejintaas ay tahay mid sharci darro ah oo aan dastuuri aheyn, maadaama ay aheyd Ra’iisul Wasaarihii hore inuu xilka ku wareejiyo Ra’iisul Wasaaraha cusub.
Puntlandes.com
About The Author
