Akhriso Dowladda Puntland oo walaac kamuujinaysaa qoraalada uu Farmaajo iyo mowqifkeeda shiraraka Muqdisho
02 Mars 2021 (Puntlandes) Puntland ayaa war saxaafadeed ay soo saartay waxay kaga hadashay mowqifkeeda shirka Muqdisho ee Khamiista, iyadoo walaac ka muujisay in Madaxweynaha muddo xileedkiisa dhammaasay Maxamed C/llaahi Farmaajo uu markasta soo saarayo qoraalo, qaadayana tallaabooyin carqaladeynaya dadaalada xalka loogu raadinayo caqabadaha hor taagan geeddi socodka qabsoomidda doorashada Baarlamaanka iyo Madaxweynaha ee Dowladda Federaalka Soomaaliya.
Puntland ayaa soo jeedisay in shirarku ka dhacaan Garoonka diyaaradaha Magaalada Muqdisho, waxayna ka filaysaa Xafiiska Qaramada Midowbay iyo AMISOM inay diyaariyaan goobta iyo amniga shirarka.
Ugu dambeyntii Dowladda Puntland ayaa waxay Wakiilada Beesha Caalamka uga mahad celinaysay dadaalada joogtada ah ee ay la garab taagan yihiin Dowladda iyo Shacabka Soomaaliya.
Hoos ka akhriso war saxaafadeedka
Dowladda Puntland ee Soomaaliyeed waxay walaac ka muujinaysaa in Madaxweynaha muddo xileedkiisu dhammaaday Mudane Maxamed Cabdullaahi Farmaajo uu markasta soo saarayo qoraalo, qaadayana tillaabooyin carqaladeynaya dadaalada xalka loogu raadinayo caqabadaha hor taagan geeddi socodka qabsoomidda doorashada Barlamaanka iyo Madaxweynaha ee Dowladda Federaalka Soomaaliya.
Dowladda Puntland waxay u aragtaa dadaalada ay wadaan Ra’iisul Wasaare Rooble iyo Midowga Murashaxiinta kuwo u gogol xaaraya jawi ay ku qabsoomi karaan shirar looga wada hadlo qabsoomidda doorasho loo dhan yahay, heshiisna lagu yahay.
Sidoo kale, Dowladda Puntland waxay cadeynaysaa inay markasta diyaar u tahay ka qaybgalka shirarka xalka loogu raadinayo qabsoomidda doorasho heshiis lagu yahay oo ku qotonta heshiiskii 17 September 2020.
Dowladda Puntland waxay soo jeedinaysaa in shirarku ka dhacaan Garoonka diyaaradaha Magaalada Mogadishu, waxayna ka filaysaa Xafiiska Qaramada Midowbay iyo AMISOM inay diyaariyaan goobta iyo amniga shirarka. Dowladda Puntland waxay Wakiilada Beesha Caalamka uga mahad celinaysaa dadaalada joogtada ah ee ay la garab taagan yihiin Dowladda iyo Shacabka Soomaaliya.
====DHAMMAAD===
About The Author
