Sawirro: Aaskan Qaran oo Marxuum Cali Mahdi Maxamed loogu sameeyay Garoonka Adan Cadde
12 Mars 2021 (Puntlandes) Aaskan Qaran ayaa Marxuum Cali Mahdi Maxamed loogu sameeyay Garoonka Adan Cadde ee magaalada Muqdisho.
Diyaaraddii sidday Maydka Madaxweyne Cali Mahdi Maxamed ayaa markii ay soo caga dhigatay Garoonka Diyaaradaha ee Aadan Cadde waxaa naxashka marxuumka oo la huwiyey Calanka Jamhuuriyadda ka soo dejiyey cutubyo ka tirsan Ciidanka Xoogga Dalka Soomaaliyeed oo qaadayey Saan-murugeysan.
Aaskan Qaran ee loo sameeyay Marxuum Cali Mahdi Maxamed waxaa ka qeyb galay Madaxda muddo xileedkoodu dhamaaday ee kala ah Maxamed Cabdullaahi Farmaajo, Maxamed Mursal Sheekh Cabdiraxmaan, Cabdi Xaashi Cabdullaahi, sii hayaha Ra’iisul Wasaaraha Xukuumadda Federaalka Soomaaliya Maxamed Xuseen Rooble, Madaxweynaha Hirshabeelle Mudane Cali Cabdullaahi Xuseen, Guddoomiyaha Gobolka Banaadir Mudane Cumar Maxamuud Maxamed, Madaxweyneyaashii hore ee dalka Mudane Xasan Sheekh Maxamuud iyo Mudane Sheekh Shariif Sheekh Axmed, Mudaneyaal ka tirsan Labada Aqal ee Baarlamaanka, Xubno ka mid ah Golaha Wasiirrada, Taliyeyaasha Ciidamada Qalabka Sida, Duubabka Dhaqanka, Culimada Soomaaliyeed, Ehelada Marxuumka iyo qaybaha kala duwan ee bulshada.
Puntlandes.com
About The Author
