Sawirro: Madaxweyne Deni oo kulan la yeeshay Safiirka Dowladda Maraykanka ee Soomaaliya
15 Mars 2021 (Puntlandes) Madaxweynaha dowladda Puntland Siciid Cabdullaahi Deni ayaa maanta oo Isniin ah kulan gaar ah la yeeshay Safiirka Dowladda Maraykanka ee Soomaaliya Ambassador Donald Yamamoto.
Kulanka oo ka qabsoomay Hoyga Madaxweyne Deni ka deganyahay Muqdisho waxa labada mas’uul uga wada-hadleen xallinta muranka ka taagan Arrimaha Doorashooyinka dalka.
“Madaxweynaha Dowladda Puntland Mudane Siciid Cabdullaahi Deni, ayaa hoyga uu ka deganyahay Muqdisho ku qaabilay Safiirka Dowladda Maraykanka ee Soomaaliya Ambassador Donald Yamamoto.” Ayaa lagu yiri Qoraal ka soo baxay Madaxtooyada Puntland.
Dhanka kale kulanka ayaa looga hadlay sidii uu ku qabsoomi lahaa shir ku saabsan Arrimaha Doorashooyinka oo la filayo in uu dhowaan ka furmo magaalada Muqdisho kaas oo u dhexeeya dowladda Federaalka, Dowlad Goboleedyada dalka iyo Gobolka Banaadir.
Puntlandes.com
About The Author
