Shir Farmaajo gadaal ka riixayo oo Guddiga Farsamada Wadatashiga Doorashooyinka KG, Hirshabeelle & gobolka Banaadir u furmay hotel Decale
18 Mars 2021 (Puntlandes) Shir uu madaxweynihii muddo xileedkiisu dhamaaday Maxamed Cabdulaahi Farmaajo gadaal ka riixayo ayaa Guddiga farsamada ee Wadatashiga Doorashooyinka ee heer Wasiir ayaa qeyb ka mid ah maanta uu shir ugaga furmay Hotelka Decale ee Garoonka Aadan Cadde.
Shirkaan ayaa u muuqda mid uu Framaajo uga gol leeyahay inuu ku xagal daaciyo shirka ay Beesha Caalamku abaabulayso oo la filayo inuu ka dhaco Xerada Xalane, ayna amnigiisa iyo dhaqaalaha ku baxaya bixinayso beesha Caalamka.
Guddigaan oo isugu jirey Dowlada Federalka, dowlad goboleedyadaee Koonfur Galbeed, Hirshabeelle iyo gobolka Banaadir ayaa kulankooda maanta furmay waxaa ka maqan wakiiladii ka socday dowlad goboleedyada Puntland, Jubbaland iyo Galmudug.
Hore ayaa waxaa Guddigan ay shir ugu yeesheen magaalada Baydhabo ee xarunta kumeel gaarka ah ee Koofurgalbeed, balse kulankaan ayaa ah mid ay ku kala qeybsameen guddiga.
Dhanka kale shirkan ayaa waxa uu ku soo beegmayaa iyadoo Muqdisho ay ku sugan yihiin madaxweynayaasha dawlad goboleedyada dalka marka laga reebo madaxweynaha Koonfur Galbeed oo isna la sugayo dhawaan.
Puntlandes.com
About The Author
