Sawirro: Guddiga dib u habaynta Ciidamada Puntland oo Tababar u soo xiray Dufcadii 2aad ee Ciidamada Daraawiishta oo ka baxay Dugsiga General Giriin ee degmada Badhan

18 Mars 2021 (Puntlandes) Guddiga dib u habaynta Ciidamada Puntland ayaa manta Magalada Badhan Tababar ugu soo xiray Dufcadii 2aad ee Ciidamada Daraawiishta oo ka baxay Dugsiga General Giriin ee degmada Badhan.

Guddiga ayaa waxaa hogaaminaayay Gudoomiyaha Gudiga Dib u habeynta Ciidamada ahna Wasiirka Wasararadda Maalyadda Mudane Xasan Shire Cabdi oo ay waheliyaan Wasiirka Wasaradda Amniga Mudane Cabdisamad Maxamed Galan, Taliyaha Ciidamadda Daraawishta Gen Yaasiin Cumar Dheer, xubno ka tirsan Golaha baarlamaanka, Maamulka Gobolka Sanaag, kan Dagmada iyo sarakiil kale.

Masuulinta ayaa salaan sharaf ka qaatay cutubyo ka tirsan Ciidamadda manta tababarka loo soo xiray salan ka dib ciidamada ayaa halkaasi ku soo bandhigay casharadii la baray.
Maamulka dugsiga ayaa ka warbixiyay marxaladii kale duwanaa ee ay soo mareen Ciidamaddu.

Gudooyimaha Guddiga dib u habeeynta Ciidamada ahna Wasiirka Wasaaradda Maaliayadda Mudane Xasan Shire Cabdi oo ka hadlay Munasabadii xiritaanka Tababarka ayaa Maamulka dugsiga ku amaanay qaabka wanagsan ee ciidamadda ay u carbiyayen.

Dhinaca kale Wasiirka ayaa sheegay in ciidamadda mushaharkooda la gaarsiiyay heerkii ugu sareeyay.
Wasiirka Wasaaradda Amniga Mudane Cabdi samed Maxamed Galan iyo Taliyaha Ciidamada Daraawiishta Gen Yaasiin Cumar dheer ayaa Saraakiisha iyo macalimiinta ku bogaadiyey shaqada ay qabteen.

Ciidamaddan ayaa loo bixiyay (GUUTADA LIBIN SIDE)