Xijaar oo sheegay inuu taliye cusub u magacaabay qaybta Booliska gobolka Banaadir
12 April 2021 (Puntlandes) Taliyaha Ciidanka Booliska Soomaaliya Gen Cabdi Xasan Maxamed Xijaar oo sheegay inuu xilka ka qaaday Taliyaha qaybta Booliska gobolka Banaadir saadiq Joon ayaa Gaashaanle Dhexe Farxaan Maxamed Aadan (Farxaan Qaroole) oo ah Taliyaha Booliiska Haramcad u magacaabay Taliyaha qaybta Booliiska Gobolka Banaadir.
Taliyaha Qaybta Booliiska Gobolka Banaadir Gen. Saadaq Cumar Xasan ayaa kahor inta aan lagu dhowaaqin xilka qaadistiisa waxa uu u sheegay in uu joojiyay kulankii Golaha Shacabka Baarlamaanka ee Mooshinka Doorashooyinka si aan Caasimadda uga dhicin Qalalaase.
Waxaa xusid mudan in Taliye Saadiq Joon wuxuu ku magacawnaa digreeto madaxweyne, kamana qaadi karo xilka Taliyaha Ciidanka Booliska Soomaaliya Gen Cabdi Xasan Maxamed Xijaar .
Puntlandes.com
About The Author
