DF oo ka hordhacday qodob looga hadlayo shirka Afisyooni
23 May 2021 (Puntlandes) Wasiirka wasaaradda amniga xukuumadda Soomaaliya, Xasan Xundubey Jimcaale oo la hadlay warbaahinta dowladda ayaa ka hadlay xaaladda dalka, gaar ahaan ammaanka doorashooyinka sanadkan ka dhacaya gudaha Soomaaliya.
Xundubey ayaa marka hore shaaca ka qaaday in saraakiisha laamaha amniga dowladda Soomaaliya ay u diyaar garoobeen sugida amniga goobaha loo qorsheeyey doorashooyinka.
Sidoo kale wuxuu meesha ka saaray walaaca iyo shakiga ay midowga musharraxiinta mucaaradka ka qabeen sugida amniga doorashooyinka dalka, wuxuuna tilmaamay saraakiisha laamaha amniga ay kulamo gaar gaar ah la qaateen saamileyda siyaasadeed, isla-markaana xilligan uusan jirin shaki ka taagan dhinaca amniga ee magaalada Muqdisho.
Wasiirka oo hadalkiisa sii wata ayaa hoosta ka xariiqay, haddii heshiis buuxa lagu gaaro shirka ka socda Teendhada Afisyooni ay si rasmi ah u bilaaban doonto doorashada.
“Haddii maanta shir lagu heshiiyo ee la yiraa beri ayae doorashada bilaabaneysaa wasaaradda amniga iyo guud ahaan aay’adaha amniga waa u diyarsan yahay qorshahooda,” ayuu yiri wasiirka wasaaradda amniga ee xukuumadda Soomaaliya.
Hadalkan ayaa kusoo aadayo, iyadoo uu Muqdisho shirka Golaha Wadatashiga Qaran, kaas oo looga arinsanayo sidii heshiis looga gaari lahaa qodobo uu ka mid yahy Aminiga doorasha.
Shimaca kale wasiir Xundubey ayaa sheegay in shirka Golaha Wadatashiga Qaranku soo xirmi doono berri oo Isniin ah ugu dambayn, taas oo iyana ah ka hor-dhac aad moodo inay dawladu ogtahay ama meel wax u yaalaan.
Puntlandes.com
About The Author
