Somaliland: Natiijada Hordhaca ah ee Codbixinta 9 Degmo oo la Shaaciyey kuraasta golaha deegaanka
02 June 2021 (Puntlandes) Guddiga Doorashooyinka Somailand ee Heer Degmo ayaa shaaciyey natiijada hordhaca ah ee Codbixinta Doorashada goleyaasha deegaanka ee 9 degmo oo ka tirsan degmooyinka Somaliland.
Degmooyinka si rasmiga ah loo Shaaciyey natiijada hordhaca ah ee codbixinta laga dhiibtay iyo Tirada kuraasta ay Saddexda Xisbi ku kala guulaysteen, ayaa kala ah Saylac, Xudun, Lughaya, Salaxley, Gar-adag, Taleex, Laascaanood, Buuhoodle iyo Sheekh.
Xisbiga talada dalka haya ee Kulmiye ayaa ku guuldaraystay inuu ku guulaysto aqlabiyad uu ku hogaamiyo kaligiis marka laga reebo degmooyinka Xudun, Lughaya iyo Taleex oo xisbigaasi ka talin doono, lixda degmo waxaa aqlabiyad qaatay xisbiyada Wadani iyo UCID marka la isku daro.
About The Author
