Senatoro lagu doortay maanta magaalada Dhuusamareeb
12 Aug 2021 (Puntlandes) Xildhibaanada Baarlamaanka Galmudug ayaa maanta doortay lix Senator oo ka tirsan Aqalka Sare, kuwaasoo ka mid 8da Senator ee Galmdug ku matalaya aAqalka sare ee Baarlamaanka JF Soomaaliya.
Doorashada ka dhacday magaalada Dhuusomareeb ayaa waxay u dhacday si gacan taag ah kadib markii dhammaan lixda Senatar ee la doortay ay u tanaasuleen musharaxiintii la tartami lahayd.
Lixda Senator ee ee Galmudug ku matalaya Aqalka Sare ee Baarlamaanka federaalka Soomaaliya ayaa 2 ka mid ah waxay ahaayeen dumar, iyadoo sadex ka mid ah senataradaas ay hore uga tirsanaayeen Aqalka Sare afartii sano ee la soo dhaafay.
Labo kursi oo ka mid ah kuraasta Aqalka Sare ee laga soo dooranayo Galmudug ayaan weli la shaacin iyadoo lagu wado in dhawaan laga qaban doono doorashada labada kursi.
Dowlad goboleedka Puntland ayaa shalay lagu doortay dhammaan 11ka kursi ay Puntland ku leedahay Aqalka Sare halka magaalada Baydhabo lagu soo doortay 5 kursiga sidoo kale magaalada Kismaayo ayaa lagu doortay 4 kursi, waxayna isugayn noqonayaan Senatorada la doortay 26 mudane halka ay dhiman tahay 28 kale.
Magacyada Lixda Senator ee lagu soo doortay maanta magaalada Dhuusamareeb;
1- Cabdi Axmed Dhuxulow
2- Yuusuf Geelle Ugaas
3-Saciid Siyaad Shirwac
4-Samsam Daahir Maxamuud
5-Cabdixakiim Macallin Axmed
6-Duniyo Maxamed Cali
Puntlandes.com
About The Author
