Guddiga Doorashooyinka Soomaaliya oo shaaciyey Habraaca Doorashada Xildhibaannada Golaha Shacabka
17 Aug 2021 (Puntlandes) Guddiga Doorashooyinka heer Federaal ayaa soo saaray habraaca doorashada xildhibaanada Golaha Shacabka, waxaana ka mid ah qodobada lagu xusay in Odayaasha Dhaqanka iyo Bulshada Rayidka beelaha leh kuraasta la siiyey awoodda xulista Ergada iyo Beelkasta oo leh 3 kursi waxaa lagu amray in ay mid u gaar yeelaan gabdhaha.
Musharax walba ayaa laga doonayaa $10,000 doollar musharrixiinta ragga ah, halka gabdhaha musharrixiinta ah laga rabo $5,000 oo ah lacagta diwaangelinta.
Habraaca doorashada Golaha Shacabka iyo shuruudaha is diiwaan gelinta oo uu soo saaray Guddiga Doorashada Heer Federaal. Lama oga in habraacan uu yahay mid kama dambeys, iyadoo la filayo in 19-ka bishan inay shir isugu yimaadaan Golaha Wadatashiga Qaran oo inta badan habraacyda iyo heshiisyada doorashada ay soo saari jireen, kuna shaqeynayeen Guddiga doorashada Heer Federaal iyo Heer Dowlad Goboleed.
Hoos ka akhriso Habraaca doorashooyinka ee guddiga
Puntlandes.com
About The Author
