Midowga Musharaxiinta oo soo dhaweeyay shaqo joojinta RW Rooble ku sameeyay Fahad Yaasiin
06 Sept 2021 (Puntlandes) Midowga musharraxiinta ayaa soo dhaweeyay shaqo ka joojinta uu Ra’isul Wasaare Rooble shaqada kaga joojiyey Agaasimaha NISA. Waxayna ku tilmaameen go’aankaas inuu u yahay fure sidii ay caddaalad u heli lahaayeen qoyska Ikraan Tahliil oo la afduubay lana dilay.
Qoraal ay soo saareen Midowga Musharaxiinta ayaa waxay ku tilmaameen qoraalka uu soo saaray Madaxweynaha muddo xileedkiisu dhamaaday ee Maxamed Cabdulaahi Farmaajo uu ugaga soo horjeestey shaqo ka joojinta Fahad Yaasiin inuu carqaladaynayo caddaalad u raadinta qoyska Ikraan Tahliil,laguna qalqal gelinayo amniga dalka iyo kan doorashoyinka.
Golaha Midowga Musharaxiinta ayaa ugu baaqay ciidamada qalabka sida ay inay fuliyaan amarka Ra’iisul Wasaaraha iyagoo uga digey inay milmaan siyaasada ayna ku kadsoomaan amarka ka soo baxay Farmaajo.
Hoos ka akhriso qoraalka ka soo baxay Midowga Musharaxiinta:
Puntlandes.com
About The Author
