Daalibaan oo ku dhawaaqday dhisme Dowlad kumeelgaar ah
07 Sept 2021 (Puntlandes) Daalibaan ayaa ku dhawaaqday dowlad kumeel gaar ah oo uu hoggaaminayo Mohammad Hasan Akhund. Shir jaraa’id oo uu qabtay afhayeenka guud ee Daalibaan Zabihullah Mujahid ayuu ku sheegay in Abdul Ghani Baradar uu noqon doona ku -xigeenka hogaamiyaha.
Sirajuddin Haqqani ayaa isna loo magacaabay wasiirka arrimaha gudaha, Mullah Mohammad Yacquub, ina Mullah Omar, ayaa loo magacaabay wasiirka difaaca.
Afhayeenka Mujaahid wuxuu ku celceliyay in golaha wasiirradu ay yihiin xukuumad ku -sime ah iyo in sidoo kale kooxdu ay isku dayi doonto inay dadka ka qaadato qaybaha kale ee dalka.
Daaliban, oo xukunka la wareegtay bishii hore, ayaa la filayay inay ku dhawaaqdo dowlad tan iyo markii la soo gabagabeeyay daad-gureynta uu hoggaaminayo Mareykanka dhammaadkii bishii Ogosto.
About The Author
