Fahad Yasin oo gaaray Magaalada Muqdisho
21 Sept 2021 (Puntlandes) Agaasimihii hore ee hay’ada Sirdoonka Fahad Yasin Xaaji Daahir ayaa saaka ka soo degey garoonka diyaaradah Aden Cadde ee magaalada Muqdisho kadib markii diyaarad gaar ah ay ka soo qaaday dalka Turkiga.
Fahad Yasin ayaa safarkiisa magaalada Muqdisho ku imanayay dib u dhac ku yimid 17kii bishan kadib markii diyaarad uu ka soo raacay dalka Turkiga lagu xayiray magaalada Jabuuti kadibna dib ugu laabatay dalka Turkiga.
Agaasimihii hore ee NISA Fahad Yasin Xaaji Daahir ayaa dhawaan waxa uu u magacaabay madaxweynaha xilku ka dhamaaday Farmaajo Lataliyaha gaarka ah ee dhinaca Amniga,hase yeeshee waxaa loo gudbiya dacwad lid ku ah Fahad Yaasiin Maxkamad Ciidamada iyadoo lagu eedeeyay ku lug leeyahay Kiiska Ikraan Tahliil oo ay hay’ada NISA ku sheegtay in ay dileen Ururka Alshabaab.
About The Author
