Sawirro-Muuqaal: RW Rooble oo kulamo la yeeshay Amiirka Qatar iyo RW Qatar iyo Mas’uuliyiin kale

05 Okt 2021 (Puntlandes) Ra’iisul Wasaaraha xukuumadda Xil-gaarsiinta ee Soomaaliya Maxamed Xuseen Rooble oo booqasho rasmi ah ku jooga magaalada Doxa ee dalka Qadar ayaa kulan muhiim ah la qaatay Amiirka dalka Qadar Shiikh Tamim Bin Hamad Al-Thani kaas oo ay kawada hadleen arimo kala duwan oo quseeya xiriirka labada dal ee walaalaha ah.

Sidoo kale Rooble ayaa kulan la qaatay Ra’iisul Wasaaraha Qadar Shiikh Khalid Bin Khalifa Al-Thani kaa oo looga hadlay xoojinta xiriirka labada dal iyo kordhinta mashaariicda horumarineed ee Dowladda Qadar ay ka fuliso Soomaaliya.

Dhanka kale Ra’iisul Wasaare Rooble iyo Dhiggiisa Qatar ayaa wada jir u guddoomiyay kulan xubnaha Wasiirrada ah ee qeybta ka ah wefdiga Ra’iisul Wasaaruhu la yeesheen dhiggooda dalka Qatar, kaas oo diiradda lagu saaray xoojinta wadashaqeynta iyo iskaashiga wasaaradaha labada dal.