Sawirro: Degmada Gaalkacyo oo laga fulinayo 11 Mashruuc

02 Nov 2021 (Puntlandes) Guddoomiyaha Degmada Gaalkacyo ayaa waxa uu dhagax dhigay 11 Mashruuc oo laga fulinayo Degmada Gaalkacyo, mashaariicdaan oo ka mid ah Mashaariicda horumarinta (JPLG/LDF) Iyo maamul daadajinta (SDM) Dagmada Gaalkacyo sanadka 2021.

Mashaariicda horumarinta LDF/JPLG ee Degmada Gaalkacyo laga fulinayo ayaa kala ah:

1. Waddo 780m laami ah (M/Yasin Tumey Road) Ex-Xero siinay iyo Ex- Warshada kabida.
2. Waddo laami Ah (Guure Road) 620m.
3. Xarunta Dhimirka Gabdhaha ee Gaalkacyo , Xarun Caafimaaf (2 qol).
4. Balaarin iyo Dayactir Xarunta Dawlada Hoose ee Gaalkacyo. (Xafiiska mayor-ka, Hoolka Shirarka, labo xafiis oo Dheeri Ah iyo qol waardiye.
5. Layrka cadceeda ku shaqeeya 15 Baale (Bacaadweyn)
Liiska Mashaariicda Maamul Daadjinta SDM/JPLG
1. Balaarin xarunta hooyada iyo dhalaanka Deegaanka HEEMA (qolka Dhalmada iyo balaarin Deydka)
2. Balaarin Iskuulka Deegaanka Dhagaxyocade (Deyd 50m X 50m), ganjeel iyo dayactir barkad biyood.
3. Dayactir haan biyood iyo dhismo Jikada iyo goobta quudinta ardeyda ee Deegaanka Halabooqad.
4. Deyd Xarunta Hooyada iyo shalaanka (60m X 60m) iyo ganjeel Deegaanka Jeexdin.
5. Dhismo xarunta Hooyada iyo dhalaanka Deegaanka Tawakal (Labo qol, dayactir dayd iyo Ganjeel)
6. Dhismo Dayd iyo Ganjeel (60m X 60m) Deegaanka Jeexdin.

Lacagta mashaariicdaan ku baxaysa waxaa Wada maalgalinaya Dawlada Dhexe ee Puntland Wasaarada Maaliyada, Dawlada Hoose ee Degmada Gaalkacyo iyo Hay’adaha ku midoobay mashruuca JPLG sanadka 2021.