Sawirro: Dhismaha wadada Xarfo ilaa Jalam oo si habsami leh u socota

15 Nov 2021 (Puntlandes) Dhismaha wadada Xarfo ilaa Jalam ayaa si habsami leh u socota iyadoo qorshuhu yahay in mudo dhow lasoo gebogabeeyo.

Wasiirka qorshaynta Puntland Cabdiqafaar Cilmi Xaange ayaa sheegay in labo bilood ka dib ay gaadiidku u mari doonaan inta u dhaxaysa Xarfo ilaa Burtinle uuna dhamaad ku dhow yahay dhismeheedu.

Waxaa sidoo kale socota shaqada laga hayo qayba Buurtinle ilaa Jalam sida qorshuhu yahayna lagu soo gebogabayn doono guud ahaan dhismaha wada wax ka yar 8 bilood sida uu sheegay wasiirka howlaha Guud Axmed Bashiir Muuse.

Wasiirka Qorshaynta ayaa balanqaaday in la dhamaystiri doono dhismaha laamiga u dhexeeya Gaalkacyo iyo Garoowe oo burburay iyadoo ay gaadiidka iyo shacabku dhibaato ku qabeen maristeeda waxaana ay noqonaysaa guul weyn oo u soo hoyatay Shacabka Puntland.

Masuuliyiinta aan kor ku soo xusay oo uu weheliyo kusimaha agaasimaha Hay,adda wadooyinka Puntland Cabdirisaaq Xayir ayaa maantay kormeeray sida ay shaqadu socoto.