Garowe: Xildhibaanada maanta lagu doortay Xerada 54aad
02 Feb 2022 (Puntlandes) Guddiga Maamulka Doorashada heer Puntland SEIT ayaa maanta qaybtay doorashadii 3aad ee Golaha Shacabka Dowladda Federalk Somalia kuna qabtay Xerada 54aad ee Garowe, taas oo lagu doortay 6 Xildhibaan.
6da Xildhibaan ee la doortay ayaa waxay kala yihiin:
1-Maxamed Faarax Nuux wuxuu ku guulaystay 91 Cod ,halka Ruwayda Maxamud Maxamed ay heshay 1 Cod , 2 Codna way xumaadeen, HOP192.
2-Sahra Cabdilaahi Cigaal waxay ku guulaysatay 87 Cod halka Fardowso Maxamed Aadan ay heshay 3 Cod , 7 Codna way khasaareen, HOP094.
3- Farxiyo Yusuf Cumar waxay ku guulaysatay 101 Ergo ayaa dhamaantood Cod gacan taag ah ugu Codeeyay, HOP121.
4- Daa,uud Cabdikariin Sheikh Cumar wuxuu ku guulaystay 90 Cod halka Cabdirisaaq Axmed Xuseen uu helay 3 Cod, 7 Codna way xumaadeen, HOP014.
5-Cabdiqani Maxamuud Maxamed wuxuu ku guulaystay Ergada fadhiday oo ahayd 101 ayaa waxaa Cod gacantaag ah ay ugu Codeeyeen, HOP075.
6-Khadra Axmed Maxamed waxay ku guulaysatay 101 Ergada ayaa dhamaantood Codka Gacan taagga ah siiyay, HOP174.
Kuraasta maanta Puntland lagu doortay ee 6da ah iyadoo horay loo doortay 9 kursi isugayn waa 15 kusi waxaana Garowe haray 6 kursi, guud ahaan waxaa Garowe taalay 21 kursi doorashadood.
About The Author
