Sawirro-Muuqaal: Guddoomiyaha Baarlamaanka Puntland oo kormeeray garoonka diyaaradaha Bosaso
03 Marso 2022 (Puntlandes) Guddoomiyaha Baarlamaanka dawladda Puntland Cabdirashiid Yuusuf Jibriil Cawl, ayaa kormeer shaqo ku tagay garoonka diyaaradaha Magaalada Bosaso, oo ay ka socoto shaqo baaxad leh oo lagu balaarinayo qaybo badan oo dhismaha Garoonka ah.
Guddoomiyaha waxaa gegida diyaaraha kusoo dhaweeyey Wasiirka Duulista Hawada iyo Garoomada Puntland, Mareeyaha Airportka Boosaaso iyo Saraakiil kale, iyagoo warbixin ka siiyey shaqada garoonka socota oo ay kamid yihiin balaarinta dhabaha diyaaradaha, dhismaha Dayrka Garoonka oo silig ah, baarkinka diyaaradaha iyo nalaynta Garoonka.
Sidoo kale Wasiirka ayaa tilmaamay in Wasaaraddu ay garoonka keentay xarunta 2-aad ee laga maamulo hawada Soomaliya iyo 5-gaadiid ah oo ay ku jiraan labo dab damis.
Guddoomiyaha oo mid-mid u booqday goobaha kala duwan ee dhismaha balaarinta iyo casriyentu uu ka socdo, oo lafilayo in lasoo gaba-gabeeeyo wejiga 1-aad bisha April ee sanadkan ayaa ku bogaadiyey Wasaaradda iyo Maamulka Garoonka shaqada wanaagsan ee la qabtay, wuxuuna ganacsatada reer Puntland ugu baaqay inay garoonka kusoo xiraan diyaarado caalami ah.”
About The Author
