Goodax Barre oo ku haray wareega 1aad ee doorashada Kursiga HOP063
23 Marso 2022 (Puntlandes) Doorashada kursiga tirsigiisu yahay HOP063 oo weli ka socota magaalada Beledweyne ee xarunta gobolka Hiiraan, waxaana ku tartamaya illaa sagaal musharrax.
Tartanka oo ah mid culus ayaa waxaa lasoo gabagabeeyey wareegii koowaad, iyada oo wareega labaad ay u gudbeen labada musharrax ee ugu codka badan.
Goodax Barre oo helay 10 cod iyo 6 musharrax oo kale ayaa isaga haray tartanka, kadib markii looga adkaaday wareega koowaad oo lagu kala baxay codka ergada.
Labada musharrax ee gudbay ayaa kala ah Daahir Xaaji Aadan oo helay 32 cod iyo Cabdirisaaq Macalin Ciid oo isna helay 20 cod, kuwaas oo haatan ku loolmaya wareega labaad, iyada oo musharixii guuleysta uu ku biiri doono baarlamaanka 11-aad ee dalka.
Daahir ayaa sidoo kale la dhashay Madaxweynaha maamulka Koonfur Galbeed, dhanka hooyada, waana musharaxa bixiyey lacagta ugu badan wuxuuna taageero xoogan ka haystaa Farmaajo iyo Fahad.
Doorashada kursigaan ayaa ka duwan doorashooyinkii hore ee Golaha Shacabka, waxaana tartanka uu yahay mid furan oo ah kii ugu lacag bata.
About The Author
