Puntland oo shaacisay jadwalka dhaarinta iyo doorashada gudoomiyayaasha 3dii degmo ee doorashadu ka dhacday
31 Marso 2022 (Puntlandes) Wasiirka Wasaaradda Arrimaha Gudaha, Federaalka iyo Dimuqraadiyeynta Dowladda Puntland ayaa shaacisay jadwalka dhaarinta iyo doorashada gudoomiyayaasha 3dii degmo ee Ufeyn, Qardho iyo Eyl ay doorashada qof iyo cad ka dhacday bishii oktoober 2021ka.
Hoos ka akhriso War qoraal ah oo ay soo saartay wasaaradu:
Ku: Dhammaan xubnaha Goleyaasha Deegaanka Degmooyinka Ufeyn, Qardho iyo Eyl
Ku: Guddoomiyaasha Gobolada Nugaal, Bari iyo Karkaar
Og: Iskuduwayaasha Wasaaradda Arrimaha Gudaha ee 3da Gobolka
Og: Guddiga Doorashooyinka Kumeelgaarka ah – TPEC
Og: Madaxweynaha Dowladda Puntland
Ujeeddo: *Wargelin Jadwalka Dhismaha Goleyaasha Deegaanka Degmooyinka Ufeyn, Qardho iyo Eyl*
Wasaaradda Arrimaha Gudaha, Federaalka iyo Dimuqraadiyeynta Dowladda Puntland waxay ku wargelinaysaa dhammaan xubnaha Goleyaasha Deegaanka ee 3da Degmo in ay u diyaar garoobaan waajibaadyada u dhimman ee dhaarta iyo doorashada Guddoomiye iyo Guddoomiye kuxigeen degmo kasta. Sidoo kale, waxaa Guddoomiyaasha Gobolada lagu wargelinayaa in ka qayb qaataan fududeynta fariisinta iyo dhismaha Goleyaasha Deegaanka ee 3da Degmo.
*Jadwalka*
*Ufeyn*
1. Diyaar garowga Xubnaha 04 – 05 April 2022
2. Dhaarta iyo doorashada *06 April 2022*
*Qardho*
1. Diyaar garowga Xubnaha 09- 10 April 2022
2. Dhaarta iyo doorashada *11 April 2022*
*Eyl*
1. Diyaar garowga Xubnaha 12 – 13 April 2022
2. Dhaarta iyo doorashada *14 April 2022*
Fiiro gaar ah: waxaa jiri doona Masuuliyiin Wasaaraddu u xilsaartay fududeynta dhismaha dhammaan Goleyaasha 3da Degmo.
DHAMMAAD.
About The Author
