Gudiga FIET oo Fasaxay Kuraasta Kala ah HOP103 iyo HOP204 ee Deegaan doorashadooda tahay Koonfur Galbeed & Xildhibaanada…..
13 April 2022 (Puntlandes) Gudiga Hirgelinta Doorashooyinka ee heer Federaal, FIET, ayaa Fasaxay Kuraasta Kala ah HOP103 iyo HOP204 ee Deegaan doorashadooda ay tahay Koonfur Galbeed (KG).
Guddiga ayaa waxay sheegeen in lagu celinayo doorashada kursiga tirsigiisu uu yahay HOP154 ee Deegaan doorashadooda tahay KG.
Dhanka kale Xildhibaannada KG ee ku sugan magaalada Baydhabo ayaa maalinta berri ah u safraya magaalada Muqdisho, si ay u qaataan shahaaddada Xildhibaannimada oo ay bixinayaan Guddiga FEIT iyo Kaarka.
Shahaaddo qaadashada kaddibna waxa ay ka qayb geli doonaan xafladda dhaarrinta Xildhibannada oo ka dhici doonta teendhada Afisiyooni oo ku taalla xerada Xalane.
Arrintaan ayaa imaaneysaa xilli xal laga gaaray khilaaf soo kala dhax galay Maamulka K/Galbeed ee uu hoggaamiyo madaxweyne Cabdicasiis Lafta Gareen iyo Guddiga FEIT, khilaafkaas oo la xariira kuraas laga soo doortay maamulkaas oo uu guddiga hakiyay.
About The Author
