Xildhibaan Cabdullaahi Farax Mire “Labada isku day ee la damcay in lagu hakiyo geedi-socodka doorashada dalka waxa ay kala yihiin”
18 April 2022 (Puntlandes) Xildhibaan Cabdullaahi Faarax mire oo kamid ah mudanayaasha Golaha Shacabka ee Puntland laga doortay ayaa qoraal uu soo dhigay barta uu Facebook ku leeyahaywaxa uu uga hadlay laba isku day oo Farmaajo doonayey inuu dib ugu dhigo doorshada.
Hoos ka akhriso qoraalka xildhibaanka:
Labada isku day ee la damcay in lagu hakiyo geedi-socodka doorashada dalka waxa ay kala yihiin:
(1) Bil cibaado ayaa lagu jiraa ee golayaasha fasax ha galeen! Jawaabta marmarsiyahaana waxa ay noqotay: Bishaani waa bil shaqo iyo jihaad loogu hiiliyo xaqa, jihaadka u weyn ee xildhibaanada maanta horyaalana waa in la suurta galiyo dalka in ay doorasho ka dhacdo, maantana doonitaanka xildhibaanada ee hawshaa ku aadan ayaa hirgalay, doorasho in ay dhacdo ayaana loo ballansanyahay Insha ALLAH.
(2) Cabsi galin iyo khalkhal amni oo la abuuro, isna waa isku day kale oo doorashada la rabo in lagu hakiyo tareenkeedana lagu joojiyo. Hawl-wadeenada golaha shacabka ee ku dhaawacmay hoobiyaashii maanta golaha lala beegsaday ALLAH ha u booga dhayo. Isku daygaasna jawaabtiisu waa hirgalinta jadwalka doorashada guddoonka labada aqal ee baarlamaanka JFS.
About The Author
