Muuqaal: Maxay tahay sababta Teendhada Afisyoone loogu qabanayo doorsahada gudoonka gollaha Shacabka?
24 April 2022 (Puntlandes) Guddoomiyaha Guddiga Doorashada Guddoonka Golaha Shacabka Xildhibaan Cabdirisaaq Cumar,ayaa sheegay in goob aan ahayn Villa Hargaysa, (Xarunta Golaha Shacabka), uu ka dhici doono kulanka doorashada Gudoonka Golaha Shacabka.
Xildhibaan Cabdirisaaq ayaa sababta ku sheegay in labadii fadhi u dambeysay ee Golaha Shacabka mar lagu soo tuuray Hoobiye & shalay oo xabad lagu dhuftay Qaboojiyaha xarunta Villa Hargeysa oo kuleel badan uu ka dhashay.
Guddoomiyaha Guddiga Doorashada Guddoonka Golaha Shacabka BFS ayaa yiri “Sida ay wax u dhaceen in ay ula kac ahayd iyo in ay wiifto ku dhacday labaduba ma sheegi kari balse markii aan tagnay xarunta ayaa naloo sheegay in xabad ay ku dhacday Qaboojiyaha, maalintii dhawaad Hoobiye ayaa soo dhacay, waxaa xigay Qaboojiyaha oo xabad ku dhacday, waxa aan ku dedaalnay in aanay dib u dhicin hadal jeedinta oo aan qabaneyno maalintii 2aad, dabcan waan baddeli doonaa goobta lagu qabanayo Doorashada Guddoonka”
Sabab amaan darteed,ayaa fadhiga Xildhibaanada loogu wareejinayaa Teendhada Afisyoone.
About The Author
