DHAGAYSO: Mamulka Dugsiga Cumar Samatar Gaalkacyo oo ka hadlaya saamaynta roobabku ku yeesheen (Sawirro)
Wali qaybo ka mid ah magalada Gaalkacyo waxaa jiifa biyo badan oo ay dhigeen roobab malmihii lasoo dhaafay ka da’ay magalada Gaalkacyo ee Gobalka Mudug.
Meelaha uu sida aadka ah u saameeyay biyaha roobabka waxaa ka mid ah Dugsiga sare ee Cumar Samatar iyo guriga ay degan yihiin macalimiinta Iskuulka dhiga, kuwaasoo biyaha ay soo galeen qaar ka mid ah qolalka iyo xafiisyadda iskuulak.
Mamule ku xigeenka Iskuulkaasi oo la yiraahdo Cumar Muuse ayaa sheegay inay uga baahan yihiin mamuladda dowladda hoose caawinaad ah in biyaha laga saaro dugsiga iyo guriga macalimiinta.
Sidoo kale saamaynta biyahan kuma koobna Iskuulkan waxaa kaloo jira iskuulo kale oo biyaha fasalada gudaha u galeen, goobaha ay ku ganacsadaan dadka danyarta ah ayaa ka mid ah meelaha ay saamayntu gaadhay.
Mamulka dowladda hoose ee magalada Gaalkacyo ayaa dadaal xoogan uGu jira sidii looga hortagi lahaa biyaha magalada fadhiya inaysan ka dhalan cuduro uu ka mid yahay Shuban biyood.
Xigasho: Puntlandpost.com
About The Author
