Sawiro: Madaxweyne ku xigeenka Puntland Eng. Camey oo la kulmay Golaha Degaanka magaalada Gaalkacyo
Madaxweyne ku xigeenka Dawladda Puntland Eng. Cabdixakiin Cabdullaahi Cumar Camey oo gelinkii dambe ee maanta dib ugu laabtay magaalada Garoowe ee caasimadda Dawladda Puntland, kadib safar shaqo oo maalmo kooban qaatay oo uu ku joogay magaalada Gaalkacyo ee xarunta Gobolka Mudug.
Madaxweyne Camey ayaa inta uu san ka soo ambabixin magaalada Gaalkacyo la kulmay Golaha deegaanka degmada Gaalkacyo, waxaana uu kala hadlay sidii ay dhankooda qeyb uga qaadan lahaayeen xaqiijinta amaanka iyo xasiloonada Gobolka Mudug.
Kulamada ayaa waxaa ku weheliyey Madaxweyne Camey Guddomiyaha Gobolka Mudug Cabdulqaadir Shire Faarax Ereg oo baln qaaday in uu gacan bir ah ku qaban doono Amniga Gobolka waxna ka bedeli doono habacsanaantii xaga maamulka ee ka jirtay Gobolka Mudug iyo xaruntiisa Gaalkacyo.
Madaxweyne Camey ayaa ilaa iyo shalay wuxuu la lahaa kulamo xiriir ah Masuuliyiinta Gobolka Mudug iyo Golaha deegaanka degmada Gaalkacyo isagoo kala hadlayey sidii wax looga bedelilahaa habka ay ku shaqayn jireen Maamulka Gobolka iyo kan degmada Gaalkacyo, waxgarad , isimo iyo qeybaha kale duwan ee ku dhaqan Gobolka Mudug, dhammaan kulamadaasina waxaa ay ku soo dhammaadeen is afgarad.
Daawo sawiro
Puntlandes.com
About The Author
