Guddoomiyaha Baarlamaanka Puntland oo magacaabay xubno ka mid ah guddiga kmg ah doorashooyinka Puntland

23 July 2022 (Puntlandes) Guddoomiyaha Guddoomiyaha Golaha Wakiillada Dawladda Puntland Mudane Cabdirashiid Yuusuf Jibriil Cawl ayaa magacaabay xubno ka mid ah guddiga kmg ah doorashooyinka Puntland.

Hoos ka akhriso xeerka uu ku magaabay:

Guddoomiyaha Golaha Wakiillada Dawladda Puntland Mudane Cabdirashiid Yuusuf Jibriil Cawl ayaa maanta oo taariikhdu tahay 23 Luulyo, 2022, soo saaray Xeer Lr. 52 kuna saabsan Sharrixid xubno Ka mid ah Guddiga Ku Meel Gaarka ah ee Doorashada Puntland.

Guddoomiyaha Golaha Wakiillada Dawladda Puntland

MARKUU ARKAY: Qodobka 64-aad ee Dastuurka Dawladda Puntland.

MARKUU ARKAY: Lifaaqa 1-aad farqadiisa 1-aad ee Dastuurka Dawladda Puntland.

MARKUU LA TASHADAY: Guddoomiye ku-xigeennada Golaha Wakiillada DPL.

MARKUU ARKAY: Aqoonta iyo waayo- aragnimadooda shaqo.

MARKUU TIX-GELIYEY: Baahida loo qabo buuxinta xubnaha banneeyey xubinnimada Guddiga ku meel gaarka ah ee Doorashada Puntland.

WUXUU SHARRAXAY:-

Xubnaha Guddiga KMG ee Doorashada Puntland ee hoos ku qoran:-

1. Cabdiraxmaan Cabdilaahi Jaamac (Dayax)

2. Mahad Bashir Nuur

DHAMMAAD