Guddoomiyaha Baarlamaanka Puntland oo magacaabay guddiga ururinta natiijada la xisaabtanka hay’adaha dawladda ee kalfadhiga 50-aad

25 July 2022 (Puntlandes) Guddoomiyaha Golaha Wakiillada Dawladda Puntland Mudane, Cabdirashiid Yuusuf Jibriil Cawl ayaa magacaabay guddiga ururinta natiijada la xisaabtanka hay’adaha dawladda ee kalfadhiga 50-aad.

Hoos ka akhriso Xeerka uu ku magacaabay guddiyihu:

GUDDOOMIYAHA OO MAGACAABAY GUDDIGA URURINTA NATIIJADA LA XISAABTANKA HAY’ADAHA DAWLADDA EE KALFADHIGA 50-AAD

Garoowe, Luulyo 25, 2022: Guddoomiyaha Golaha Wakiillada Dawladda Puntland Mudane, Cabdirashiid Yuusuf Jibriil Cawl ayaa maanta oo taariikhdu tahay 25 Luulyo, 2022, soo saaray Xeer Lr. 53 kuna saabsan magacaabista Guddiga Ururinta natiijada La Xisaabtanka Hay’adaha Dawladda ee Kalfadhiga 50-aad

GUDDOOMIYAHA GOLAHA WAKIILLADA DPL

MARKUU ARKAY: Dastuurka DPL Qodobka 64-aad

MARKUU ARKAY: Xeer-hoosaadka Golaha Wakiillada DPL Qodobada 8-aad farqadda 11-aad

MARKUU TIX-GELIYEY: Muhiimadda ay leedahay soo ururinta la Xisaabtanka Hay’adaha Dawladda ee Goluhu u yeeray Kalfadhiga 50-aad si wax looga waydiiyo Waajibaadka Dastuuriga ah ee ay u xilsaaran yihiin.

WUXUU MAGACAABAY:-

1. Xil. Fu’aad Abshir Axmed ( Guddoomiye )

2. Xil. Cabdicasiis Axmed Saalax ( Xubin)

3. Xil. Cabdirisaaq Xassan Ciise ( Xubin)

4. Xil. Cabdiraxmaan Siciid Faarax (Xubin)

5. Xil. Cabdikhadar Faarax Shaaciye (Xubin)

6. Xil. Maryam Cismaan Axmed (Xubin)

7. Xil. Maxamed Cabdilaahi Cilmi (Xubin)

8. Xil. Mahdi Siciid Xassan ( Xubin)

9. Xil. Keyse Cawil Cali Boobe ( Xubin)

10. Axmed Xuseen Maxamed ( Xoghayn)

11. Cabdiqaadir Cabdiraxmaan Maxamed (Xoghayn)

Guddiga magacyadoodu kor ku qoran yihiin, ayaa loo xil saaray inay soo ururiyaan, talona ka soo jeediyaan natiijada La Xisaabtanka Hay’adaha Dawladda ee Kalfadhiga 50-aad, iyagga oo Golaha la wadaagay maalinta sabti 30 Luulyo, 2022.

DHAMMAAD