AUN Abwaan Hadraawi oo ku geeriyooday magaalada Hargeysa

18 Aug 2022 (Puntlandes) Allaha u naxariistee waxaa maanta magaalada Hargeysa ku geeriyooday Abwaanka Soomaaliyeed, Abwaan Maxamed Ibraahim Warsame (Hadraawi), isagoo u geeriyooday xanuun uu dhul yaal u noqday muddo dheer.

Abwaan Hadraawi ayaa ahaa 79 sanno jir, waxaana si weyn looga yaqaanay guud ahaan dhulka ay degto Soomaalidu.

AUN Hadraawi ayaa wuxuu ka mid ahaa tiirarka udub dhexaadka u ah Fanka iyo Suugaanta, isaga oo sameeyey Ruwaayado iyo heeso isugu jiro Waddani iyo Jaceyl.

Sidoo kale wuxuu ahaa qoraa soo saaray buugaag waa weyn oo ay aad u jecel yihiin dadka Soomaaliyeed.

Hadraawi wuxuu ku dhashay magaallada Burco ee xarunta gobolka Togdheer sannadkii 1943kii, wuxuuna ka mid ahaa hal abuurrada ugu muuqa dheer gayiga Soomaaliyeed.