Sawirro: Madaxweyne Xasan Sheekh oo kormeeray ku yimi Xarunta Wasaaradda Maaliyadda Puntland

28 Aug 2022 (Puntlandes) Madaxweynaha Jamhuuriyadda Federaalka Soomaaliya Mudane Xasan Sheekh Maxamuud iyo Madaxweynaha Dowladda Puntland Mudane Siciid Cabdullaahi Deni ayaa kormeeray ku yimi Xarunta Wasaaradda Maaliyadda Puntland.

Wasiirka Wasaaradda Maaliyadda Mudane Xasan Shire Cabdi iyo madaxda kale ee Wasaaradda ayaa Madaxweynaha iyo Waftigiisa ku soo dhoweeyay xarunta Wasaradda.

Wasiirka Wasaaradda Mudane Xassan Shire Cabdi ayaa uga warbixiyay Madaxweynaha qaabka ay u shaqeyso Wasaradda iyo shaqada ay bulshada u hayso, iyada oo uu madaxweynuhu kormeeray xafiisyada kala duwan ee Wasaardda

Dhica kale Madaxweyne Xasan Sheekh Maxamuud ayaa booqaday Xarunta Bankiga Dowladda iyo Dhismaha Xarunta Dakhliga ee Wasaaradda Maaliyadda ee Gobolka Nugaal.