Madaxweyne Deni oo magacaabay Agaasimaha hay’adda Nabad-sugidda iyo Sirdoonka Dowlada Puntland (PISA)
23 Sept 2022 (Puntlandes) Madaxweynaha Puntland Siciid Cabdulaahi Deni ayaa xeer Madaxweyne oo uusoosaarsy ku magacaabay Agaasimaha hay’adda Nabad-sugidda iyo Sirdoonka Dowlada Puntland (PISA).
Madaxweynaha ayaa S/guuto Jamaal Carab Yuusuf u magacaabay Agaasimaha hay’adda Nabad-sugidda iyo Sirdoonka Dowlada Puntland.
Jamaal oo mar soo ahaa Agaasimaha Puntland TV, dhawaana uu madaxweyne Deni u magacaabay wasiirka Qorshaynta ayaa iminka loo magacaabay Agaasimaha hay’adda iyadoo uu madaxweynuhu uu siiyey darajada Sarreeye Guuto.
Hoos ka Akhriso xeerka
MADAXWEYNAHA OO MAGACAABAY AGAASIMAHA HAY’ADDA NABAD-SUGIDDA IYO SIRDOONKA DOWLADDA PUNTLAND (PISA)
Garoowe: 23 September 2022: Madaxweynaha Dowladda Puntland Mudane Siciid Cabdullaahi Deni, ayaa soo saaray Xeer Madaxweyne Lr. 61 ee 23-da Sibteembar 2022 kuna saabsan magacaabid Agaasimaha Hay’adda Nabad-sugidda iyo Sirdoonka Dawladda Puntland (PISA).
Madaxweynaha Dowladda Puntland
Markuu arkay: Dastuurka Dowladda Puntland Qodobkiisa 80-aad.
Markuu arkay: Baahida loo qabo horumarinta iyo dib u habaynta hay’adda Nabad-sugidda iyo Sirdoonka Dowlada Puntland (PISA).
Markuu arkay: Aqoontiisa, kartidisa iyo waayo-aragnimadiisa shaqo.
Wuxuu xeeriyey:
- Waxaa S/guuto Jamaal Carab Yuusuf loo magacaabay Agaasimaha Hay’adda Nabad-Sugidda iyo Sirdoonka Dawladda Puntland (PISA).
- Xeerkani wuxuu dhaqan gelayaa markuu Madaxweynuhu saxiixo, Wuuna saxiixay.
DHAMMAAD
About The Author
