Sawirro: Alshabaab oo weerar Qaraxyo ku qaaday Buuro burte iyo Jalalaqsi
19 Okt 2022 (Puntlandes) Alshabaab ayaa laba weerar oo ay qaraxyo u adeegsatay ku qaaday buundooyinka degmooyinka Buulo burte iyo Jalalaqsi ee gobolka Hiiraan.
Qaraxa koowaad oo ka dhacay agagaarka buundada Jalalaqsi ayaa waxa ku geeriyooday Guddoomiyaha degmada, Maxamed Cumar Dabaashe, sida ay baahisay warbaahinta dowladda, Dabaashe ayaa dhowaan xilka laga qaaday balse ma wareejin.
Ciidamada ayaa rasaas ku furay gaariga oo laga soo buuxiyay walxaha qarxa ka hor inta uusan gaarin buundada oo bartilmaameedka ugu weyn uu ahaa.
Sidoo kale qaraxa labaad oo ahaa mid aad u xoogan ayaa waxa lagu burburiyay qeyb ka mid ah buundada degmada Buulo-burte oo aheyd mid muhiim u ah isku xirka gobolada dhexe illaa Muqdisho.
Sidoo kale waxa jira khasaaraha dad dhimasho iyo dhaawac ku noqday qaraxa lagu burburiyey buundada, hase yeeshe illaa hadda si rasmi ah looma oga khasaaraha nafeed ee qaraxa uu geystay.
About The Author
