Xukuumadda Somaliland oo ka hadashay dagaalka Laascaanood maalintii 7aad ka socda
12 Feb 2023 (Puntlandes) Somaliland oo maalinkii 7aad duqeynaysa magaalada Laascaanood ayaa sheegtay in ay Argagixiso caalami ah la dagaalamayso, saldhigyadoodana maalin kasta lasoo weerarayo oo ayna is difaacayso.
Somaliland ayaa sheegtay in Puntland wado dhaqdhaqaaq ciidan, xili bilowgii hore ay kal hore Somaliland sheegtay in Laascaanood ciidamada PSF ka dagaalamayaan.
Hoos ka akhriso warsaxaafaeedka Somailand:
Xukuumada Somaliland waxay hore ugu dhawaaqday Kuna Cel-celisay xabad-joojin bilaa shuruud ah, balse waxa xabad joojintii markale jabiyey kooxaha ku soo duulay nabad-galyada iyo xasilooni magaalada Laascaanood, oo subaxnimadii hore ee saaka markay saacadu ahayd 5:30 Am dagaal ku soo qaaday Ciidamada ku sugan Xeryahooda.
Goobaha ay saaka soo Wareereen kooxahaasi waxa ka mid ah:
– Xafiiska Badhasaabka Gobolka SOOL.
– Fadhiisimada Ciidanka Qaranka ee Laascaanood.
Waxaanu Ciidanka Somaliland Weerarkaasi kaga jawaabay is-difaacid, Ilaa hadana dagaalkii wuu socdaa.
Ciidanka Somaliland waxa ay wali u taagan yihiin oo ay ixtiraamayaan xabad joojintii ay hore ugu dhawaaqday xukuumadda Somaliland.
Xukuumadd ahaan waxa aanu cadaynaynaa in shacabka magaalada Laascaanood ay la mid yihiin muwaadiniin reer Somaliland ee ay horeba uga midka ahaayeen, waxase jirta siday hore xukuumaddu ugu dhawaaqday in ay dagaalka laascaanood qayb ka yihiin, hurinayaana kooxo argagixisada ka tirsan, kuwaasi oo diidan in xabad joojinta laga gaadho dagaalka, gaboodna ka dhiganaya shacabka Laascaanood.
Dhinaca Aaga Tukaraq;
Waxa jira in aaga hore Tukaraq ay maamul goboleedka Puntland-Somalia ay ka wadaan dhaq-dhaqaaq ciidanka sidii horeba xukuumaddu u sheegtay, iyaga oo doonaya in dagaalka ay ka bilaan jihooyin cusub.
Ciidanka Somaliland iyada oo mar walba lagu soo qaadayo weeraro, todoba maalmood oo joogto ah, ciidanku waxa uu difaac kaga jiraan fadhiisimadiisa.
Ugu dambayntii
Xukuumadda Somaliland waxa ay ogaysiinaysaa Bulshada reer Somaliland, Beesha Caalamka iyo dadka nabada jecelba inay wali xabad joojin bilaa shuruud ah ay dhankeeda dhaqan-gal ka yahay.
About The Author
