Sawirro: Guddiga joogtada ah ee Baarlamaanka Puntland oo u yeeray madaxweynaha & TPEC si wax….
20 Feb 2023 (Puntlandes) Guddoomiyaha Golaha Wakiillada Dawladda Puntland Mudane Cabdirashiid Yuusuf Jibriil ayaa Guddoomiyey shirka 2-aad ee Guddiga joogtada ah, kaas oo maanta ka qabsoomay aqalka Golaha Wakiillada.
Fadhiga maanta, ayey mudanayaashu uga doodeen arrimo ay kamid yihiin xaaladda magaalada Laascaanood ee xarunta gobolka Sool iyo diiwaangelinta codbixiyeyaasha Golleyaasha deegaanka Puntland ee hal qof hal cod oo Puntland uga socota si gaabis ah oo aan heshiis lagu ahayn aynu Xukuumaddu hub faro badan ku ilaalinayso.
Dood iyo falanqayn dheer kadib, waxay Guddiga joogtada ahi go’aamiyeen:
- In loo yeero Guddiga Xukuumadda Dawladda Puntland u magacawday Arrimaha Bini’aadantinimada iyo Gudiyada kale ee Taakulaynta dadka ku waxyeeloobay xasuuqa maamulka Somaliland uu ka wado Laascaanood.
- In loo yeero Madaxweynaha iyo Madaxweyne ku-xigeenka Dawladda Puntland, si wax looga weydiiyo qorshaha xukuumadda ee ku aaddan xaaladda Gobolka Sool.
- In loo yeero Guddiga ku meel gaarka ah ee Doorashada Puntland (TPEC), si wax looga weydiiyo Barnaamijka diiwaan-gelinta cod bixiyayaasha Goleyaasha Deegaanka Puntland.
Ugu dambeytii, guddiga joogtada ahi waxay isla qaateen in ay yeeshaan fadhiyo aan caadi ahayn inta laga dhammaystirayo qodobada kor ku xusan.
About The Author
