Booliiska Garoowe oo xabsiga u taxaabay Guddoomiyaha xaafadda Hanti-wadaag ee Garowe
16 Apr 2023 (Puntlandes) Booliiska magaalada Garowe ayaa maanta xabsiga u taxaabay Guddoomiyaha xaafadda Hanti-wadaag ee caasimadda Puntland, Bashiir Maxamed Maxamuud.
In kastoo aan faahfaahin laga bixin xarigga guddoomiyaha haddana waxa uu ku soo beegmayaa xillli uu dhawaan ku biirey urur-siyaasadeedka mucaaridka ah ee SINCAD, halkaasi oo looga sharraxay xubin gole-deegaan Garowe.
Waxa isa soo taraya in dad badan oo dowladda xilal kala duwan ka haya ay ka cabsanayaan in haddii ay ku biiraan ururrada mucaarid ay waayaan xilalkooda, taasi oo ka dhan ah geeddiga dimuqraadiyadda ee xukuumadda Deni ku faanayso.
About The Author
