Sawirro: Gobolka Mudug oo martigelinaya koobka gobolada Puntland ee 2023

10 July 2023 (Puntlandes) Wasiirka Wasaaradda Shaqada, Shaqaalaha, Dhallinyarada iyo Ciyaaraha dawladda Puntland Cabdiraxmaan Caydiid Ibraahim oo ay weheliyaan wasiir ku xigeenka Wasaaradda Hodan Siciid iyo agaasimaha guud Jaama Xasan Cabdille ayaa shir jaraad uu ku qabtay xafiiskiisa ku dhawaaqay qabashada koobka 9aad ee kubadda cagta Puntland kaas oo furmaayo 01 September 2023 iyadoo laga qabanayo xarunta gobolka Mudug ee Gaalkacayo.

Tartankan oo loo qabto Sagaalka gobol ee Puntland ayaa sanadkan lagu qaban doonaa garoonka Cawaale ee magaalada Gaalkacayo, halkaas oo ay iskugu tagi doonan dhamaan xulalka kubadda cagta goboladda Puntland.

Kulankan ayaa waxaa goob joog ahaa lataliyaha madaxwaynaha arimaha Ciyaaraha, agaasimaha waaxda Ciyaaraha, Xiriirka kubada cagta Puntland, gudoomiyha ciyaaraha gobolka Nugaal iyo madax kale.