Sawirro: Taliye ku-xigeenka 1aad Ciidanka Booliska Puntland oo kormeer kala duwan ku sameeyay Taliska qeybta booliska gobolka Mudug

10 July 2023 (Puntlandes) Taliye ku-xigeenka 1aad Ciidanka Booliska Puntland S/Guuto Caydiid Axmed Nuur oo safar shaqo ku joogay Gobolka mudug ayaa maanta waxa uu kormeer kala duwan ku sameeyay Taliska qeybta booliska gobolka mudug saldhiga dhexe ee degmada galkacyo saldhiga cirka iyo saldhigyada kala duwan ee ku yaala magalada Galkacyo.

Taliye ku-xigeenka 1aad Ciidanka Booliska Puntland S/Guuto Caydiid Axmed Nuur ayaa Shir laqaatey Taliyaha Qeybta Gobolka Mudug G/Sare Maxamuud Cabdixakin Yusuf ,Kuxigeenkiisa Cabdi Siciid Xuseen Jaamac (Koomaad) Maxkamada ciidanka,laanla ilaalada wadooyinka,Laanta canshuuraha,CID Dambi baarayasha iyo Taliyayasha Saldhigyada magaalada Gaalkacayo iyo Saarakiisha Booliska.

Taliyaha Qeybta Gobolka Mudug G/Sare Maxamuud Cabdixakin Yusuf ayaa uga warbixiyay taliyaha Ciidanka Booliska dowladda Puntland xaalada Gobolka,wuxuuna tilmaamay in xaalada Amniga gobolku tahay mid xasiloon shaqada ciidanka Booliskuna tahay mid aad u wanaagsan oo ay shaqeeyaan habeen iyo maalin.

Taliye ku-xigeenka 1aad Ciidanka Booliska Puntland S/Guuto Caydiid Axmed Nuur ayaa ku amaanay ciidanka booliska Gobolka Mudug shaqada Amni ee ay ka qabteen gobolka,wuxuuna ku booriyay inay halkaas ka sii wadaan.