Dagaal qaraar oo Ciidamada SSC iyo Somaliland ku dhexmaray aagga Maraagga
18 July 2023 (Puntlandes) Waxaa maanta in ka badan 8 saacadood oo xariir ah dagaal xoog leh oo ka socday jihooyin kale duwan oo ah magaalada Laascaanood uu ku dhexmaray Ciidamada SSC iyo Somaliland.
Dagaalka oo ka dhacay aagga Bariga magaalada iyo aagga Maraaga oo ah masaafo ka durugsan magaalada.
Togga Maraaga, cida si buuxda u maamusha oo u xaqiijisa gacan ku heyntiisa, waxay awood xoogan u yeelanaysaa dhanka Goojacade in ay u dhaqaaqdo, waa difaac ka mid ah kuwa ugu adag ee ay Ciidamada Somaliland ka difaacaysa saldhigeeda ugu weyn ee hadda kaga yaalay Gobalka Sool.
Sidoo kale haddii ay ciidanka deegaanku qabsadaan kontoroolka Maaraga, oo ay xaqiijiyaan halka ay ka xiran tahay wadada xariirisa Garowe iyo Laascaanood waxay suurtogelinaysaa inay wadadu furanto. Iyadoo muuddo dheer aagaas ka xirnayd.
Togga Maraaga, hadda waxaa soo baxaya warar aan la xaqiijin oo sheegaya in ciidanka deegaanka ay ka gudbeen, haddii ay taasi dhab tahay waxay guul wayn u tahy Ciidanka SSC.
Jihada Buuraha Barriga magaalada, waa laysku raacsan yahay in Somaliland ay sadex aag oo muhiim ah lumiyeen maanta oo kaliya, oo qoraxdu ugu dhacday ciidanka deegaanka oo aan ka bixin.
About The Author
