Daawo sawirada xiritaanka Sanad Dugsiyeedka Dugsiga Qur’aanka ee Halmstad Sweden

15 jun 2015 (Puntlandes) Shalay ayey waxay qabteen Jaaliyada Soomaaliyeed ee ku nool magaalada Halmstad ee dalka Sweden Munaasabad balaaran oo loo soo agaasimay xiraxiritaanka Sanad Dugsiyeedka Dugsiga Qur’aanka ee magaalada Halmstad.

Munaasabada xiraxiritaanka ayaa waxay ka koobnayd laba qaybood oo kala ahaa Xafladda Xiritaanka iyo Gudoonsiin abaalmarin Ardadii ku guulaysatay Xafidida Qur’aanka kaalinta 1aad, 2aad iyo 3aad kuwaas oo loo kala qaybiyey 3 qaybood oo kala duwan.

Xafladda ayaa waxay ka dhacday jaziirad ku taalo duleedka magaalda Halmstad waxaana ka soo qaybgalay dhamaan Ardayda Dugsiga Qur’aanka dhigata, Macalimiinta iyo Waalidiinta Caruurta dhashay iyadoo ay halkaas ka dhacday Xaflad aad u qurxoon oo ay Caruurtu aad uga heleen.

Ugu dambayntiina waxaa la gudoonsiiyey abaalmarintii ay ku guulaysteen ardaydii gashay kaalinta 1aad, 2aad iyo 3aad iyagoo loo qaybiyey sadex waaxood oo mid sadex Arday ka kooban.

Bahda Warbaahinta Puntlandes ayaa waxay u hambalyeynaysaa Ardaydii ku guulaystay tartanka iyo dhamaan Ardayda dhagata Dugsiga Qur’aanka ee Halmstad iyagoo u rajaynaya inay dadaalkooda sii labo laabaan.

Daawo sawiradda