Madaxweynaha Jubaland oo dib ugu laabtay Kismaayo
26 Okt 2024 (Puntlandes.com) Madaxweynaha Jubaland Axmed Maxamed Islaan (Axmed Madoobe) ayaa saaka dib ugu laabtay magaalada Kismayo, kaddib safar hal maalin qaatay oo uu shalay ku tagay dalka Kenya.
Madaxweyne Axmed Madoobe ayaa sida ay sheegayaan ilo wareedyo muhiim ah safarkiisa waxaa ka dambeeyay, markii maalmo ka hor uu Madaxweyne Xasan Sheekh uu safar ku tagay Kenya uu ka codsaday Madaxweyne William Ruto inuu dhex dhexaadiyo isaga iyo Madaxweynaha Jubaland, si dib uu u ugu soo laabto shirka Madasha Wadatashiga Qaran NCC oo todobaadyo ka hor uu isaga baxay.
Axmed Madoobe ayaa shalay magaalada Eldoret kula kulmay Madaxweynaha Kenya William Ruto, waxaana la isla soo qaaday sidii xal looga gaari lahaa khilaafka ka jira arrimaha shirka NCC, iyadoo dowladda Kenya ay Madaxweynaha Jubbaland ka codsatay inuu ku laabto shirka madasha, kana soo dabco qodobada uu ku dhegan yahay, hase ahaatee Madaxweynaha Jubbaland ayaa mar kale ku adkeystay sadexda qodob oo ahayd doodda Jubbaland oo kala ah:-
1- Dastuurka Jubbaland in aan la dhaafi karin isla Markaana uu sida uu qabo ay muhiim tahay in la qabto doorashada heerarka kala duwan ee Baarlamaanka iyo Madaxtooyada, isla markaana aysan ogolaan karin muddo kordhin hor leh oo loo sameeyo hey’addaha dowladda.
2- haddii doorasho qof iyo cod ah la qabanayo ay noqoto mid loo dhan yahay oo ay ka soo qeyb galaan doodeeda dhammaan dhinacyada maqan sida Puntland
3- In guddiyada Doorashooyinka ay noqdaan labo heer mid heer Federaal ah iyo mid heer Dowladdaha xubnaha ka ah DFS ah.
About The Author
