RW Xamse oo u hambalyeeyey madaxweynaha cusub ee Somaliland
19 Nov 2024 (Puntlandes.com) Qoraalka uu shaacisay xafiiska Ra´iisul Wasaaraha Soomaaliya Xamse cabdi Barre ayaa lagu sheegay in Xamse uu hambalyo u diray madaxweynaha la doortay ee Somaliland Cabdiraxmaan Cirro iyo kugeenkiisa Maxamed Cali Cabdi.
Hoos akhriso qoraalka:
Muqdisho, Talaado, 19 November 2024: — Ra’iisul Wasaaraha Jamhuuriyadda Federaalka Soomaaliya, Mudane Xamsa Cabdi Barre, ayaa dhambaal hambalyo ah u diray Madaxweynaha la doortay ee Maamulka Somaliland oo ku guulaystay doorashadii Madaxtinimada.
“Waxaan u hambalyeynaa Walaalkay Madaxweyne Cabdiraxmaan Maxamed Cabdullaahi Cirro oo loo doortay Madaxweynaha Maamulka Somaliland, Waxaan u rajeynayaa Madaxweynaha inuu Alle u fududeeyo gudashada waajibaadka culus ee loo doortay. ayuu yiri Ra’iisul Wasaaraha Xukuumadda Jamhuuriyadda Federaalka Soomaaliya.
Mudane Xamse ayaa sheegay in Madaxweynaha cusub laga rajaynayo inuu dardargeliyo himillada shacabka Soomaaliyeed ee ku aaddan midnimada iyo wadajirka dalkeenna iyo dib usoo celinta wada hadaladii lagu mideynayey dowladnimada Soomaaliyeed.
— DHAMMAAD —
About The Author
