Dowladda Puntland oo uga mahadcelisay Dowladdaha Mareykanka iyo Imaaraatka Carabta taageeradooda howlgalka ciribtirka argagixisada ee ciidamada Difaaca Puntland ka wadaan buuraleyda Calmiskaad
01 Feb 2025 (Puntlandes.com) War-saxaafadeed kasoo baxay Madaxtooyada Dowladda Puntland ayaa looga mahadceliyay Dowladdaha Mareykanka iyo Imaaraatka Carabta taageeradooda howlgalka ciribtirka argagixisada ee ciidamada Difaaca Puntland ka wadaan buuraleyda Cal-miskaad ee gobalka Bari.
Dowladda Puntland ayaa War-saxaafadeedka ku sheegtay in duqayntii maanta lagu dilay xubno xilal sare ha hayey argagixisada daacish.
“Dowladda Puntland oo in dhoweyd ku jirtay Howlgal ay Argagixisada Daacish uga sifeynayso Puntland, waxay u mahadcelinaysa saaxiibada Adduunka ee ka caawinaya hawlgalka gaar ahaan Dowladaha Maraykanka iyo Imaaraadka oo ka qeyb qaatay duqeymaha xagga Cirka ah ee lagu bartilmaameedsaday Argagixisada Daacish ee ku dhuumalaysanaysa Buuralayda Calmiskaad ee Gobolka Bari, iyadoo maanta oo u danbeysay duqeyntii dhacday lagu dilay xubno xilal sarsare ka hayey ISIS (Daacish)
Howlgalka oo hadda galay wejigiisa labaad, ayaa Ciidanka Dowladda Puntland wejigii koowaad ka gaareen guulo badan, waxaana ka go’an Dowladda Puntland in Argagixisada Daacish laga sifeeyo deegaannada ay ku dhuummanayaan.”
About The Author
