Ciidamada Puntland oo helay guryo shub ah, xafiisyo & dhismayaal shirarka argagixisada ah ee Daacish ugu talagashay
01 March 2025 (Puntlandes.com) Ciidamada geesiyaasha ah ee Dowladda Puntland oo ku guda jira wajiga 3aad ee Howlgalka ciribtirka argagixisada ayaa maanta ka helay aagga Buqo-Caleed guryo shub ah, xafiisyo iyo dhismayaal shirarka loogu talagalay, kuwaas oo kooxda argagixisada ah ee Daacish ka dhex dhistay buuro.
Sidoo kale, goobtan ayaa ciidamada Difaaca Puntland ugu tageen labo gaari oo argagixisada firxadka ah gubeen, kaddib markii ay xaqiiqsadeen in aysan meelna ku baxsaneyn, sida uu xaqiijiyay Taliska Howlgalka ciribtirka argagixisada ee Puntland.
“Buqa-caleed, Ciidanku waxay maanta heleen Guryo Buur ka dhex dhisan, oo shub lagu dhisay , leh xafiisyo maamul iyo kuwo Shirar, waxaa yaalla labo Gaari midweyn iyo midyar oo ay sii gubeen iyo Agabkale”.
About The Author
