Safiirada Mareykanka & UK oo cadaadis Diblomaasiyadeed saaraya Madaxweynaha Soomaaliya
29 March 2025 (Puntlandes.com) Safiirada u fadhiya Soomaaliya dawladaha Mareykanka iyo Ingiriiska ayaa cadaadis xoogan oo Diblomaasiyadeed saaray Madaxweynaha Soomaaliya
Warar lagu kalsoon yahay ayaa sheegaya in safiirrada Mareykanka iyo Ingiriiska ay shalay kulan la qaateen Madaxweyne Xasan Sheekh, iyagoo ku ka dalbay inuu furo saaxadda siyaasadeed.
Safiirada ayaa ku taliyey in la sameeyo Ajande qaran oo mideysan oo ku aadan la dagaalanka argagixisada iyo xalinta arrimaha siyaasadda gudaha.
Kulanka oo dhacay shalay markii Madaxweynhu safar hal cisho qaatay kaga soo laabtay dalka Turkiga ayaa sidoo kale loogu arrimaha amniga iyo siyaasadda, gaar ahaan arrimaha doorashooyinka in loo helo hannaan doorasho oo loo dhan yahay, kana tarjumaya xaqiiqada siyaasadeed ee dalka.
Diblomaasiyiinta ayaa sidoo kale ku baaqay in si degdeg ah loo bilaabo wadahadal siyaasadeed oo u dhexeeya Dowladda Federaalka iyo dhinacyada kale ee saamileyda siyaasadda sida Puntland iyo Jubbaland, iyaga oo ka digay in khilaafka oo sii xoogeysta inuu wiiqi karo midnimada dalka.
Wakilada Beesha caalamka ayaa doonaysa in bisha May ka hor la gaaro heshiis doorasho, amni iyo siyaasadeed oo loo dhan yahay, iyagoo taas faray madaxweyne Xasan Sheekh.
About The Author
