Galmudug iyo caqabadaha ku xeeran!!
Galmudug waa maamulkii hore ee qeyb kamida Mudug ka talin jiray waxaase magacaas dib loo sharciyeeyey kadib markii Degamada Cadaado ay isku tageen ergooyin ka kala yimid Gal-Gaduud iyo qayb kamida Mudug waxaana Cadaado lagu doortay siyaasiga Cabdikariin Xuseen Guuleed, maxaase horyaal ?..
4-bishii luuliyo 2015, ayaa Magaalada Cadaado loogu doortay inuu noqdo Madaxweynaha Maamul Galmudug, oo hada sal dhig u ah Degmada Cadaado, Guuleed waxaa la tartameysay ilaa shan Musharax, oo xilkaasi isku soo taagey. Waxaase Cabdikariin Xuseen Guuleed uu ku guuleystay doorashadaas.. waxaase MR Guuleed horyaal dhawr caqabadood, asaas u ah mustaqbalka maamulka Galmudug..
Cabdikariin ayaa soo noqday wasiirkii arrimaha gudaha iyo amniga Soomaaliya xukumadii Cabdi Faarax Shirdoon wuxu kale oo so noqday wasiirkii amniga qaranka Soomaaliya xiligii xukumaddii Cabdiwali Shiikh Axmad.
24-kii bishii May) ayuu iska casilay xilka wasiirkii amniga Qaranka ),markii daggaal-yahano ka tirsan Ururka Al Shabaab ay weerar ku qaadeen Xarunta Baarlamaanka Soomaaliya Ee Magaallada Muqdisho. C/kariin wuxuu markaasi sheegay isagoo qiimaynaaya xaalku uu dalku ku maraayo , in uu xilkaasi iska casilay..
Hayeeshee Cabdikariin kama uusan ag fogaan xayn daabka madaxtooyada Villa Soomaaliya wuxuuna si hoose u noqday la taliyaha madaxweynaha Soomaaliya Xasan Shiikh Maxamuud..
Cabdikariin waxaa loo doortay maamulk aan buuxun sharuudihii maamul goboleed ee dalka loo dajiyey ergadii an sixisay dastuurka Galmudug ayaa Cabdikariin u sheegay in uu xukumo Mudug iyo Galgaduud, waxase ka hor yimid arrimo xoogan oo mucaaradnimo ah..
Puntland oo aan aqoonsan Galmudug
Puntlandayaan aqoonsan maamulka laga dhisay Cadaado kadib markii ergooyinkii Dastuurka Galmudug ansixiyey ay sheegeen in xudduudkoodu yahay Bartule in kastoo mar dambe ay ka labteen
Ehelu sunna
Ururka Ehelu sunna oo ka taliya Dhuusa mareeb ayaan aqoonsan kana hor yimid doorashada Cadaado ka dhacday 4, bishii Juuliyo.2015, waxaana dhuusa mareeb ka dhacday doorasho kale oo loogu magic daray maamul Goboleedka Gobollada dhexe kaasoo ay hoggaamiyaan Ururka hubeysan ee Ehelu sunna wal jameeca),
Madaxwaynaha Galmudug C/Kariin, ayaa waxaa muddo ku qaatay soo magacaabista Golihiisa xukumadda wuxuuna ugu dambayntii ku dhawaaqay Gole wasiiro oo ka kooban 24, wasiir 24, wasiir ku xigeeno iyo 4, wasiiru dawle
Qeyb kamida Xildhibanada Galmudug
waxaa dhaliilay qaabka siyaasadeed ee MR Guuleed Xildhibaanadda Galmudug 33, kamida ayaa cadaado ka sheegay inuu madaxwayne Cabdikariin jabiyey qodobk kamida dastuurka Galmudug ayagoo saxaafadda u sheegay dariiqa uu u maray magacaabista gollaha wasiirada iyo heshiis uu la galay shaqsiyaad kamida wadaadada Ehelu sunna..
Ugu dambayntii”
Ugu damayntiina siyaasadda Cabdikariin Xusen Guuleed ayaa ah mid cakiran marka loo eego caqabado siyaasadeedka ku xeeran dadka siyaasada indha indheeya ayaa sheegaya awalba inuusan Cabdikariin tageero ka haysan bulshada Gobollada dhexe ee uu meesha ku yimid tageerada Madaxwaynaha Soomaaliya oo ay aad isku dhawyihiin Mr Cabdikariin..
Waxaa looga fadhiyaa sidii u wajihi lahaa arrimaha ku xeeran ee kala ah
Ehelu sunna oo ah urur hubeysan
Puntland oo aan aqoonsanayn doorashada Gal Mudug
Xildhibaanada Galmudug oo hada ku kala qaybsan siyaasada Cabdikariin uu ku hagayo maamulka galmudug..
Falanqeeye arrimaha bulshada
Cabdinuur Faarax maxamuud
Abdinuur02@gmail.com
About The Author
