Dhagayso-Daawo: Isimada Gobalka Mudug ee ka hadlay Qado Sharafeedkii uu Amiirka Beesha Reer Khalaf u sameeyey iyaga & Wafdidii GAAS
4 Sebtember 2015 (Puntlandes) Amiirka Beesha Reer Khalaf ee Cumar Maxamuud ayaa maanta waxa uu Qado sharaf ugu sameeyay beertiisa oo ku taala deegaanka Dhagaxyo-cade oo hoos timaada magalada Gaalkacyo madaxwaynaha Puntland Cabdiwali Maxamed Cali GAAS iyo Isimadda Gobalka Mudug.
Amiir Maxamuud Ciise Yuusuf ayaa Kulankan Qadada ah ugu magacdaray soo dhaweynta wafdiga madaxwaynaha Puntland oo isigu jira Wasiirro iyo Xildhibaano ku yimaadeen Gobalka Mudug iyo sidii ay Isimada Gobolka Mudug ugu taageeri lahaayeen dawladda hawlaha ay ka wado Gobolka Mudug.
Amiirka Beesha Reer Khalaf Amiir Maxamuud Ciise Yuusuf ayaa waxa uu sheegay in ujeedada isku imaatinkan aysan ahayn arrimo siyaasadeed iyo wax la tabanayo balse ay tahay soo dhawayn wafdiga madaxwaynaha iyo Hawlaha culus ee ay ka wado Gobalka Mudug, gaar ahan dib u habeynta magalada Gaalkacyo iyo baneynta guryaha dowladda.
Amiir Maxamuud ayaa ku nuuxnuuxsaday inay garab taagan yihiin dowladda ayna kala shaqayn doonaan shaqada ay Gobalka Mudug ka wado iyo guud ahaan Puntland.
Isimada Gobolka Mudug ee ka hadlay Kulanka uu Amiirku Qabtay
Isimadda Gobolka Mudug ee kasoo qayb galay Qado sharafta uu sameeyay Amiirka Beesha Reer Khalaf oo ka hadlay ayaa waxay ahayeen:
- Garaad Maxamed Cilmi Shirwac
- Imaan Cabdiwahaab Maxamuud Guray
- Suldaan Cabdisalaan Shiikh Maxamuud
- Islaan Xasan Cigaal Ciise
- Suldaan Maxamed Jaamac Shire
- Ugaas Cabdiqaadir Cilmi
- Ugaas Maxamed Cabdiqaadir Maxamuud
- Maxamed Suldaan Xasan
- Suldaan Cabdiraxmaan Aadan Dude
- Suldaan Cabdixakiin Jaamac Nuur
- Wakiilka Ugaas Cabdixakiin Nuur Faarax
Waxa Isimadda Gobolka Mudug dhamaantood u mahadnaqeen Amiir Maxamuud Ciise Yuusuf iyo dhamaan dadkii kala soo shaqeeyey inay suurtowda Kulankan Qadada ah ee ay ISIMADDA Gobolka Mudug kusoo dhawaynayeen wafdiga uu Hogaaminayey madaxweyne GAAS.
Dhagayso Isimadii madasha ka hadlay
Puntlandes.com
About The Author
