SAWIRO:-Hogaamiyaha Qurba-joogta Puntland ee Qaarada Yurub oo Goor Dhow Lagu Doortay Dalka Finland Sep 27, 2015 – jawaab
28 Sep 2015 (Puntlandes) Waxaa Maanta oo ay Taariikhdu tahay 27.09.2015, magaalada Helsinki lagu doortay Gudoomiyaha Guud ee Dalada Qurbajoogta Puntland ee Qaarada Yurub, waxaana loo doortay Maxamed Cabdulle Moosil oo ahaa Gudoomiyaha Jaaliyada Puntland ee Dalka Irland.
Doorashasan oo ay isku soo taageen xubno badan oo kala matalayay Jaaliyadaha Puntland ee Qaarada Yurub ayaa waxaa codeeyay Wakiilada Jaaliyahada Puntland ee Qaarada Yurub sida Jaaliyada Norway, Holland, Finland, Irland. Denmark iyo Ingriiska , waxaana ugu danbeyntii isugu soo haray Hanad Boqor oo ah Xoghayaha Guud ee Jaaliyada Puntland ee Finland iyo Maxamed Cabdulle Gudoomiyaha Jaaliyada Irland.
Gudiga Doorashada oo uu Madax u ahaa Wariyaha Maxamed Teera ayaa ku dhawaaqay Natiijada Codbixinta waxaana labada Musharax ay cododka u kala haleen qaabkan.
HANAD BOROR CABDULLAHI 3 COD
MAXAMED CABDULLE 12 COD
Hadabada intaas Kadib ayaa Gudiga Doorashada waxa ay ku dhawaaqeen natiijada codbixin iyagoo sheegay in Maxamed Cabdulle uu noqday Gudoomiyaha Dallada Qurbajoogta Puntland ee Qaarada Yurub.
Madasha waa ay camirneed waxaana goobjoog ka ahaa mas´uuliyiin iyo shacab, waxaana qadka telefoonka ugu soo qeyb galay Cali Maxamed Geedioo horey u soo ahaa Wasiirka 1aad ee Xukuumadii Cabdullahi yuusuf iyo Cabdullahi quraan-jecel oo ah Afhayeenka XUkuumada Puntland.
sidoo kale Masuuliyiinta ka soo qeyb gashay waxaa ka mid ahaa Maxamed Cabdi Ismaaciil Baydhabo Wakiilka Gaarka ah ee Puntland u qaabilsan dalalka Iskaandanefiyanka, Cabdicasiis Xidlhibaan, Muna Diyaano iyo Masśuliyiin kale.
Cabdirisaaq Axmed Dimcad
iyo Cabdiqani Cali Dalmar
Warbaahinta Umada News
Helsinki-Finland
About The Author
