Sawiro: Ciidan ka tirsan Booliska Puntland oo tababar loogu soo xiray Carmo

30 Okt 2015 (Puntlandes) Taliyaha ciidanka Booliiska Puntland Gen.Cabdirisaaq Maxamuud Yuusuf (Afgaduud) ayaa tababar mudo afartan iyo shan cisho uga socday Kulliyada Carmo ugu soo gabagabeeyay qaar ka mid ah ciidanka Booliska Puntlad.

Munaasibadda xiritaanka tababarkan ayaa waxaa sidoo kale joogay mamulka Gobalka Bari, mamulka degmada iyo masuuliyiin kale, waxayna dhammaan masuuliyiintani boggaadiyeen sida kartida leh ee tababarka u qaateen ciidankan.

Taliye Afgaduud ayaa ciidanka tababarka dhamaystay ku bogaadiyay shaqada ay hayaan, sidoo kale waxa uu sheegay in looga baahan yahay waajibaadka saaran inay uga soo baxaan si wanaagsa, isla markasna lala xisaab tami doono askarigii waajibaadkiisa si wanaagsan uga soo bixi waaya.

Gen.Cabdirisaaq ayaa sheegay in ciidanka booliska loo samayn doono aqoonsig kaar, sidoo kalena loo samayn doono xarun xogtooda loogu aruuriyo si loola socda shaqooyinkooda, waxa kale uu sheegay ciidaka Booliska inay mushaharkooda si joogto ah u heli doonaan.

Dhowaan ayay ahayd markii madaxwayne Cabdiweli Cali Gaas uu tababar ugu soo xiray dugsi ciidanka Ab-qaale ee Gobalka Mudug.